السبت، 12 مايو، 2007

ابن العكروتة


دي كانت كلمة عمتى الله يرحمها "ابن العكروتة" معدناش بنسمع كلمه زي دى دلوقتى يظهر موضتها بطلت زى مبطلت كل كلمه جميلة وبقينا نسمع ابشع الشتايم من الاهالى لاولادهم .... انا لحد دلوقتى وانا عندى 22 سنة وعمتى توفت من سنين مش عارف يعنى ايه عكروتة بس اكيد كلمة مش وحشه ممكن يكون فى شخص رقيق ومؤدب كده حتى وهوا منفعل لكم ان تتصوروا كانت بتقول ايه وهيا مزاجها رايق وكمان لما كانت بتقولي كده كانت بتضحك عمرها مكشرت فى وشى ولا زعلتني شئ غريب معتقدش ان حد ممكن يعاشر حد سنين بدون مواحد فيهم يزعل التاني انا دلوقتي وانا برجع شريط زكرياتى مع عمتى عيشة مش قادر افتكر في مرة زعلت منها .... كانت بلا شك عبقرية منها لان ده محصلش معايا انا بس لكن مع كل ولاد العائلة الى ربيتهم وكانت ليهم ام تانيه بس متهيقلي انى كان ليا معزة خاصة فى قلبها او هيا الى خلتنى اعتقد كده زى معملت مع كل العائلة كانت انسانة جميلة بكل ما تحملة الكلمة من معني.. الله يرحمها كانت حظها قليل فى الدنيا كانت محدودة الجمال من حيث الوجة والجسد اذا اعتبرنا ان جمال الشكل دة جمال لكن الجمال الحقيقي يكمن فى الروح اتاخرت فى الجواز بسبب موضوع الشكل والجسم ولما قاربت على الاربعين جه اخيرا ابن الحلال ولما اتجوزوا ربنا اراد ان يجيها سرطان فى الرحم وتشيله يعنى مفيش ولاد زوجها قرر انة يتجوز وتفضل هيا كمان على زمتة لكنها رفضت كان عندها عزت نفس وكرامة وشخصيه حساسة جدا ولما رجعت لبيت العائلة كان كل واحد من اخوتها الرجالة خد شقة واختها الكبيرة مع جوزها في الارياف هتقعد فين في النهاية بنلها ولدى رحمة الله عليه غرفة فوق السطح وده تزامن مع كبر سن جدتي ومكنش حد من ولادها مستحملها كانت جدتي عيشة معانا وبعدين طبعا طلعت عند عمتى فوق عمتي كانت صاحبة مرض الكلة وموضوع الرحم ده ادى الى نقص بعض الهورمونات من جسمها وابتدت رجلها تتعب شوية شوية لحد مبقت تقريبا بتتحرك بالعافيه ورغم كل ده خدمت عمتي جدتى سنين الى طعنت فى السن الى ان اصبحت ذى الاطفال الرضع الى حتي ميعرفوش يدخلوا الحمام .... صعب بعد كل ده كله انها تكون قادرة حتي علي الابتسام لكن دة بالنسبه للانسان العادى لكن عمتى عيشة مكنتش عادية استحالة عينك تقع عليها وهيا مكشرة دايما كانت بتضحك وتفرق سعادة وحنان ودفئ على كل الى حوليها .... وزى كل ولاد اخوتها عدتنى ابنها انا كنت الاخير اصغر واحد فى العائلة كانت مربية حمام في غرفتها لسة فاكر المنظر وانا جيلها الصبح بدري والحمام بينط على السرير وبيخبطها بجناحة عشان يصحيها تحطلوا الاكل كانت بتاكل الحمام كل حاجة سكر ملح بواقي الاكل كل شئ وكانت مسمية كل حمامة اسم كانت كل متجلنا زيارة تجيب معاها جوز زغاليل اعتقد انها كانت مربياه عشان يونسها في وحدتها الى كانت كفيله تجنن اى حد انا لسه فاكر السبرتايه الي كانت بتسخن عليها الاكل وناكل واحنا على السرير مفيش لاتلفزيون ولا بوتاجاز ولا حتي غسالة ولامروحه ولا حاجة خالص حياة من ابسط ما يكون اضيت فى الغرفة دى اجمل ايام حياتى كانت بتلعب كوتشينة عشان تقتل الوقت لكن للاسف مكنتش بتلاقى حد يلعب معاها غير الاطفال هيا الي علمتنى الكوتشينة وياما لعبنا مع بعض كانت بتحب القصب وكنت كل مجلها اقعد امص قصب معاها كانت بتتفنن فى قتل الوقت هتعمل اية .... توفت ستى بعد مخلصت على شوية العافية الى عند عمتى عيشة واصبحت عمتى وحيدة تماما... بعد زلزال 92 سلم البيت القديم وقع والحمام لما اتنقل عند عمتى فاطمة زعل على مكانة ومات وا تصلح البيت حتى القدر بخل عليها بالحمام لكن كانت بتقطع العيش البايت قطع صغيرة جدا وتاكلة لليمام فى السطح عمرى مشفت حد قدر يستانس اليمام قبل كدة لكنها كانت مربية قط اسود مبيفرقهاش ابدا انا فاكر يوم ممات القط عمتى قعدت تعيط عليه... كانت عملة لنفسها جو اسطورى غرفة بسيطة فوق السطوح بدون أي اجهزة كهربية وحمام وقط حتى كلمتها انا فاكر وانا صغير لما كنت بروح من عندها باليل كانت بتقولي متخفش امشى والقمر ماشى معاك كنت فعلا بقعد ابص للقمر القية ماشى معايا ومونسني ومكنتش اخاف من العتمة .... لما كبرت عرفت انها كانت من زمان بتحب ابن عمها عزت.. لسة فاكرهافى مرة جت عندنا هيا وعمتى فاطمة قالت لولدي يامسلم فاطمة عايزة تسلم على عزت قبل متسافر كانت عدت الستين في الوقت دة لسة فاكر ابويا وهوا بيبتسم وبيقولها حاضر يا عيشة عم عزت ده مات بدون ميتجوز مات وحيد انا فاكر يوم ما مات كانت زعلانة قوى وقعدت تبكى بحرقة ومفتتش شهور الا وهيا متوفية ماتت عمتى على ايدى كنت اول مرة اشوف فيها حد بيطلع في الروح كانت رافعة ايديها ومركزة عينيها وبتشاور علي حاجة مش موجودة وكل منزل ايديها تشاور تاني زي ميكون فيه حد قدمها بعد ماخدناها المستشفي توفت هناك زعلت عليها قوى قعدت ابكى ومكلتش لمدة يومين ... وحشتني عمتى عيشة ووحشتنى كلمة يابن العكروتة الى كانت بتقولهالى وهيا بتضحك وانا بسرقها فى الكوتشينة لحد دلوقتى وانا ماشى فى مكان ظلمة بلاقي نفسى ببص للقمر الى بحس انة ماشى معايا ومونسى

هناك 122 تعليقًا:

BaTresYa يقول...

الله يرحمها.. يااه قد كدا في ناس كانت في الدنيا حلوة اوي كدا ... ياااه مش عارفه اقولكك ايه بجد غير انك تحمد ربنا انك في يوم من الايام كان ليك عمه بالجمال اللي انت بتحكي عليه

الأرمـوطــي يقول...

batresha
الحمد لله على كل حال وشكراً ليكى على كلامك الجميل
مع السلامة

ادم المصري يقول...

البوست دا مش قديم ولا ايه ؟
بس تعرف ؟
.
.
هو جميل وطيب جدا
.
.
تسلم ايدك يا برنس
.
.
ياريت تكتر العربي بقي كتير عشان تلاقيني

micheal يقول...

الله يرحمها..بجد انسانه عظيمه
تحياتي لك علي هذا البوست الرائع

الأرمـوطــي يقول...

ادم المصرى
ده فعلا بوست قديم بس لما نشرتة مكنتش معرو ساعتها قوى عشان كدة مفيش ناس كتير قرته فقلت نشره تانى دلوتى واشوف رد الفعل....منورنى يا با شا.

الأرمـوطــي يقول...

ميكل
ولاً ازيك عامل ايه بقالى كتير مسمعتش صوتك ....وشكراً ليك يا عمنا على زوقك وده حاجة مش غريبة عليك انتا دايما ابو الذوق والمفهومية
مع السلامة

yasmina يقول...

هو لما الواحد يتذكر اشياء من الماضي فعلا بيلاقي كثير حاجات عزيزة عليه
وكان ناسيها
بس حلو ربطك بين الكلمة والموضوع

تحياتي

الأرمـوطــي يقول...

ياسمينا
اهلاً بيكى صديقة عزيزة فى مدونتى ويارب دايماً بوستاتى تعجبك واكون عند حسن ظنك
سلام

حواء يقول...

ربنا يرحمها ويرحم أموات المسلمين
جميل قوى أنت ماتنساش حد حبك وحبيتة
وبيتهئلى انها تستاهل حب ما يتنسيش
سلام

الأرمـوطــي يقول...

حواء
شكراً ليكى على كلامك الجميل ودى حاجه مش غريبة عليكى....ودايماً كدة تعليقق منور فى مدونتى المتواضعة
سلام

REEMOO يقول...

ربنا يرحمها يارب
من كلامك عليها واضح انها كانت جميله وطيبه وقلبها ابيض
بجد ربنا كرمك بعمه جميله كده
ربنا يرحمها ويدخلها فسيح جناته
وجميل منك انت تفتكرها وتكتب عنها
ربنا يكرمك يارب
تحياتى

hamasat يقول...

الله يرحمها استشعرت كلماتك الحساسه عنها
تعرف نفس الاحاسيس دي بالضبط باحسها مع خالة زوجي تقريبا نفس الظروف ونفس الروح الشفافة المليئة بالحنان ربنا يديها الصحة
تحياتي

Esmeralda يقول...

الله يرحم الجميع

فعلا الحاجات البسيطه اوى هى اللى تاثيرها بيبقى كبيييير

تحس ان الجماع بتوع زمان دول كان ليهم بركه

الأرمـوطــي يقول...

روميو
ربنا يخليكى ليه يارب .....الواحد مبيمعش الكلام الجميل ده الا منك شكراً ليكى جداً على اهتمامك بيا ومتبعتك
مع السلام

الأرمـوطــي يقول...
أزال المؤلف هذا التعليق.
الأرمـوطــي يقول...

esmeralda
كل حاجة زمان كانت فيها بركة وكان فيها طعم حتى الاماكن مش الاشخاص بس.......شكراً ليكى على كلامك الى زى السكر
مع السلامة

الأرمـوطــي يقول...

همسات
ربنا يخلهالك يارب وميحرمكوش من بعض الناس الى زى دى متتعوضش...تحياتى ليكى

david santos يقول...

Blogues puts all the MADELEINE photo in yours, a girl of 4 years of age that was abducted in day 4 in the Beach of the Light, in the Algarve, Portugal. They send the image of MADELEINE to all blogues of Morocco, Tunisia and Argel, thanks a lot

الأرمـوطــي يقول...

david santos
thank you
bye

lolla يقول...

اصلا مش فارقه لما عملت البوست ده كنت معروف ولا مش معروف المهم انه بوست جميل ورائع جدا .. وهكرر التعليق
الله يرحمها ويجعل مقامها الجنه.. وهناك تلعب معاها كوتشينه كده زى زمان
ملحوظه: انا سمعت ان عكروته دى بمعنى عفريت او لئيم او دقرم.. مش عارفه صح ولا لأ... بس واضح ان عمتك كانت زى العسل ..الله يرحمها

طارق مكى يقول...

الله الله الله
جميل جدا والله بكيت والله العظيم بكيت
وافتكرت ستى
وافتكرت عمتى
البوست دا روعة جداجداجدا

فى ناس بتعيش فينا رغم انها ماتت بلجسد
عشان كدا انا بحاول اسيب بصمة فى الدنية قبل مااموت
و كنت بسمع الدكتور ابرهيم الفيقى بيقول انا الوحد لازم يسيب بصمة فى الدنيا اذا انتا سبت مكان او رحلات من الدنيا
وشكرا جزيلان على البوست الروعة ومش بجامل

shayma يقول...

بجد يا احمد بوست رائع
بكيتنى بجد
فكرتنى بخالتى الله يرحمها هيا كمان متجوزتش وكانت معانا بالظبط كده
انا خالتى مامتتش على ايدى بس كانت اول حد اعرفه وقريب منى ويموت واكون واعيه لده
بجد كانت راااااائعه
ربنا يرحمهم جميعا
سلامى ليك على بوست رااااائع

الأرمـوطــي يقول...

لولا
ربنا يخليكى ليا يارب مش معقول فيه ناس زيك كدة بلاهتمام والزوق ده فعلا شكرا ليكى جداً
مع السلامة

الأرمـوطــي يقول...

طارق باشا
شكراً ليك يا حبيبى انت بس عشان بتحبنى حبيت البوست وربنا يعلم معزتك عندى قد ايه ربنا يديم المعروف يارب بنا والله يا طارق ده اجمل تعليق سمعتة لحد دلوقتى من ساعة معملت المدونة
مع السلامة
عيزين نبقى نشوفك بقى
يالا اشوف وشك بخير
سلام

الأرمـوطــي يقول...

شيماء
يا ستى انا مرسى والله انا لو اعرف ان البوست هيبكيكى مكنتش كتبتة بس انا برضة فرحان انه عجبك ويارب دايماً اكتب حاجات تعجبك
مع السلامة

The Groom يقول...


يا قرموطي انت نسيت عندي لما حطيت كومينت انك تختار ياسمينا من التصويت على الشمال

روح حطه بسرعة

تحياتي لك من ماناساس البلد

صاحب البوابــة يقول...

الله يرحمها

يبدو انك كنت تحبها كثيراً

تحياتي

الأرمـوطــي يقول...

the groom
اهلاً بيك لاول مرة فى مدونتى
سلام

الأرمـوطــي يقول...

صاحب البوابة
شكرا لزوقك يا غالى واهلا بيك لاول مرة فى مدونتى ويارب دايما كدة منورنى
مع الشلامة

همسات يقول...

ياه انت انسان حساس جدا
وعمتك الله يرحمها كانت بنى ادمة حلوة اوى من كلامك عليها
وهى الدنيا كدة بتاخد مننا كل حاجة حلوة معانا بس اوعى تخاف
وكل ما تخاف بص للقمر هتلاقى فيه كل حبايبك

تعيش وتفتكر

ياسمين يقول...

أثرت فية قوى حكاية عمتك عيشة
الدنيا دى فعلا دار شقاء
ورغم كل آلامها والمآسى فى حياتها الا انها استطاعت ان تترك اثرا .. بصمة..ذكرى عطرة
ولم تستطع انت ان تنساها
وهى التى عاشت وماتت وهى تظن انها لم تجن شيئا
بل جنت وزرعت وحصدت الحب
تحياتى على البوست الوفى

صاحب البوابــة يقول...
أزال أحد مشرفي المدونة هذا التعليق.
الأرمـوطــي يقول...

همسات
كالعادة اجمل كومنت واجمل كلام بسمعة بيكون منك حاسس ان كلمة شكرا قليلة على زوقك ومتباعتك واهتمامك بس مش لاقى حاجه تانية اشكرك بجد وربنا يخليكى ليا
مع السلامة

الأرمـوطــي يقول...

ياسمين
معاكى حق الدنيا دار شقاء فعلا ربنا يخرجنا منها على خير شكرا ليكى يا يسمين وان شاء الله نشوفك على خير عن قريب
مع السلامة

reri يقول...

أبكيتني يا أحمد ... عمتك رحمها الله واضح إنها كانت من النوع الذي خلق ليعطي ... أخذت منها الحياه الكثير ومع ذلك منحت من حولها الكثير... رحمها الله ويكفيها أنها تركت كل هذا الحب في قلوب من عرفوها

سلامي ليك يا أحمد علي كلماتك التي تنبض بالحياه

الأرمـوطــي يقول...

رحاب
كلماتى تنبض بالحياه انتى هتخلينى اصدق انى كاتب بجد ولا ايه عموما يا ستى انا مرسى ويارب دايما بوستاتى تعجبك
سلام

esraa يقول...

ربنا يرحمها
بجد انت خلتني أحبها, كانت ست طيبه ورقيقه
ربنا يرحمها بجد

Rosa يقول...

ربنا يرحمها انا متاكده انها في الججنه
وصبرها على كل الابتلاءات دي مش هايكون جزاءها غير الجنه ان شاء الله
حتى جسمها وشكلها هيكون من اجمل ما يكون ان شاء الله
عارف كلمة عكروت دي
انا كنت فاكرها كلمه من اختراع بابا
كان بيقلهلنا دايما
:D
طلعت كلمه عالميه
بس عشان احس اني عملت اضافه وتعرف معنى الكلمه بحثنا عن معنى الكلمة في 'معجم متن اللغة'للشيخ احمد رضا فكانت الحصيلة التالية:
'عكروت' كلمة عامية واصلها 'عكرود' وباختلاف اللهجات وتكرار الاستعمال صار الناس ينطقون 'الدال' كأنها 'التاء' وأصل الفعل 'عكر' ومنها 'عكرود'.
تحمل الكلمة معنى 'الكر والفر، السمنة والقوي، اي غلظ واشتد.
و'عكرود' تأتي بمعنى العكس، اراد ان يركب الناقة الى وجهة ما، فرجعت الى غيره.
ومنها تسمي العامة اختلاط الاصوات مع ارتفاعها فيقال: 'عكره'.
العكار: هو من يولي في الحروب ثم يكر راجعا.. وتعاكروا اي تشاجروا.. واحيانا كثيرة يخاطب فيها الصغار(زي عمتك وزي ما بابا كان بيقللنا) بمعنى 'الشيطنة' و'الشطارة' ومن يجيد اللعب على الآخرين
تحياتي

SoRsaRaa يقول...

انا افتكر انى علقت فى البوست دا قبل كدا
او على الاقل قريته
بس لو منزله علشان ماكنتش معروف ساعتها انا على كدا اقلب المدونة بتاعتى كلها واجيبها مالاول:))
ياللا اقلدك بقى.. واللا عندك مانع:P

وربنا يرحمنا جميعا ونلتقى بكل احبابنا على خير ان شاء الله

تحيااااااتى

micheal يقول...

أنا جي امسي علي احلي ارموطي

micheal يقول...

أنا جي امسي علي احلي ارموطي

smraa alnil يقول...

ابكيتني يا محمد
ربنا يرحمها يارب
ويغفرلها
بجد كانت انسانة رائعه جدا
ربنا يغفرلها ويدخلها جناته يارب

عمرو غريب يقول...

يا عم دلوقتي ظهر الاحدث خليك متطور

shlapia يقول...

انا متهيالى قريت قصة مشابهة لدى فى بلوج تانى او مش فاكرة بالظبط لكن القصة اثرت فيا ربنا يرحمها

قصاقيص يقول...

الله يرحمه ويرحمها
......................
للاسف دايما اجمل شخصيات بنقابلها هي الاقصر عمرا.....زي زهور الفل تمام......زهور جميله ورقيقه وهاديه لكن عمرها اقل من يوم لابتتحط في فازة ولا حتي في محل ممكن نشتريها منه
بس صدقني شئ رائع ان تفضل جواك عايشه الروح الجميله دي اللي هي زرعتها جواك .........صدقني هتديك قوة خفيه وجميله
ربنا يسعدك

LOJAIN يقول...

بجد انا بكيت بعد قاريتى للبوست
على الرغم من طوله
لكن ذكرتنى بشخصية من النوعية دى و هى جدتى الله برجمها و يرحم عمتك واموت المسلمين اجمعين يارب

مخلوقة دبت فيها الحياة بشكل جعلها فعلا تطرق ابواب كل كائن تدب فيه الحياة
تجد لغة للتواصل مع اى كائن و تستفز جماله .. حتى لو كان قطا اسودا

ربنا يخلها فسيح جناته امين

Regards:
Lojain :)

الأرمـوطــي يقول...

الى كل من علق مؤخرا
انا اسف لانى متاخر فى الرد وكمان انى مش مخصص الاسماء وده لانى مبدخلش على النت الا قليل جدا اليومين دول لانى بمر بظروف صعبه ادعولى .....وانا متشكر جدا لكل الكلام الجميل الا قولتوه
مع السلامة

ضد الظلم يقول...

رحمه الله عليها
انها امراءه من الزمن الجميل تجيد الحكمه وعرفت معنى الحياه

تقبل تحياتى

tarek يقول...

رحم الله عمتك وموتانا جميعاً انا اول مرة ادخل على مدونتك الموضوع عجبني جداً واثر في لدرجة البكاء مع اني صعب البكاء لو تسمحلي انشره عندي في موقع www.shababshams.com وانا معجب جداً بكتاباتك ولو تحب ممكن اخصص لك باب عندي في الموقع

منتظر ردك
طارق مصطفى
shababainshams@gmail.com

الأرمـوطــي يقول...

ضد الظلم
اهلا بيك فى مدونتى وشكرا على كلامك
الجميل
.......
طارق
اتفضل انشرها ده من دواعى سرورى
سلام

SoRsaRaa يقول...

السلااااام عليكم

كيف الحال يااستاذ قرمط

ايه مالك قلقتنا عليك؟

يارب تكون بخير

سلااااااام

MAKSOFA يقول...

تعرف حكايه عمتك دي تنفع قصه لفليلم جميل يجسد كل المعاني الأنسانيه ، لأمرأه حرمها الله سبحانه وتعالي من أشياء تكاد تكون مهمه الا أنها لم تستسلم وجعلت كل من حولها يراها بشكل جميل لأن روحها طاهره وحلوة

shlapia يقول...

ربنا يرجعك بالسلامة ومتغبش كتير علينا

سلام

maha يقول...

سلام عليك يا ارموطي
ياااه جميلة اوي التفاصيل دي
حسيت اني شايفة الاوضة اللي فوق السطوح
و هديل الحمام
و صوت جناحاته و هو جوه الاوضه
حسيت اني شايفة عمتك و هي قاعدة علي سرير ..بيضا و طيبة و مبتسمة ببراءة اوي
:)
......

العالم الاسطوري اللي حكيت عنه كانت اسطوريته نابعة من بساطته.. و القطة و الحمام عرفوا انهم هيكونوا في امان معاها يمكن عشان كده مات الحمام لما بعد عنها

الله يرحمها

حكاية القمر دي جميلة اوي
للاسف قريت البوست الصبح بس حسيت اني عايزة ابص للسما و اشوف القمر اوي و اسلم عليه و اقوله ..."انا مش هخاف من العتمة "
..
بوست جميل اوي و شدني جدا
سلام
مها

lolla يقول...

هاى
خير؟.. انت قلقتنا عليك قوى
وحشتنا مدوناتك الجميلة
ربنا يرجعك بالسلامه
سلام

micheal يقول...

ألوووووووووووووووووووووو

khaled يقول...

الله يرحمها
الناس دى زى متقول كده راحو وراح الخير والصفاء والسعاده معاهم

متغيرة شوية يقول...

تعرف جو أسطوري فعلا
وجو أسطوري لأن محدش بقى عايش بالبساطة دي دلوقتي..
الله يرحمها

mesh2dra يقول...

انا قريت البوست ده قبل كده
وعلقت عليه كمان
بس مش فاكرة ايه تعليقى
عااااااااااااااا
راح فين

ياقوت يقول...

من هنا ورايح مش هقوللك
غير
يابن العكروتة

زى الهوا يقول...

مش عارفة اقول غير ربنا يرحمها , فعلا فى ناس بتموت بس بتفضل محفورة فى قلوبنا وكلامهم لينا بيمر اودام عينينا زى مسلسل جميل اوى جايز نبتسم وهوه شغال بس لازم نعيط فى النهاية عليه , حلو اوى الامل والتفاؤل اللى كان عندها ودا كفيل بأنه يخلى الإنسان صابر على دنيته وحلوة اوى الجملة دى ::متخفش امشى والقمر ماشى معاك , ربنا يرحمها

smraa alnil يقول...

ارموطي انت فين

طمنا عليك

وينكى يقول...

ألف رحمه ونور تنزل عليها
انا متاكده انا حاسه بيك وبكل اللى انت فاكرهولها وقلته فى حقها وبتبتسم
ناس زى دول هما اللى بيخلوا الحياه اجمل
على فكره انا عامله حفله بلوجريه بمناسبة نجاحى وتخرجى على خير
التفاصيل على مدونتى الصغنونه..اللى من غير فذلكه

micheal يقول...

فينك بس يا أبو الاراميط

الأرمـوطــي يقول...

كل الناس الى سالت عليا بقلكم بحبكم ووحشتونى جدا مش عاوز اذكر اسماء عشان محدش يزعل بس انا قريت التعليقات وبجد انا مبسوط لانى اثرت فى ناس وحبونى واهتموا بيا نفسى اشوفكم واسلم عليكم واحد واحد شكرا ليكم بجد

lolla يقول...

لولولولولولولولىىىىىىىىىىىىىىىىىىى
الارموطى جه اخيرا
واااااااااااااااااااااااااااااو
اوعى تعمل كده تانى ..فاهم؟

أبو سويلم يقول...

أيه الحلاوة دى
بجد سرد رائع ومش عارف هتصدقنى لو قلتلك ان عشت الموضوع باحساسى معاك بس ده خلى مزاجى بقى مش تمام علشان فكرنى بناس الواحد حبهم وراحوا من بين ايديه
كان فيه مشهد فى مسلسل رافت الهجان ومحمود عبد العزيز بيقول (الظاهر ان العظماء بدأوا ينسحبوا من العالم واحد ورا التانى )والاكيد ان عمتك كانت عظيمة جدا فى رأيك وفى رايى.
يا ريت تشرف أبو سويلم يزيارتك
http://ibnnalad.blogspot.com
وتعيش وتفتكر

ما علينا يقول...

ربنا يرحمها ويغفرلها
ويسكنها فسيح جناته
ان شاء الله

فعلا لازم تحزن عليها اوي
ما هو مابقاش في زيها دلوقت
الناس الطاهرة اللي نفوسهم بيضة ونضيفة زي عمتك
ما بقوش خلاص
وفعلا احمد ربنا
ان حياتك كان فيها انسان بالنقاء والطهارة دي

وعلى اد ما تقدر ادعو لها
وتصدق عليها
الموتى يباهوا بعض بالصدقات اخي

اد ايه كلامك عنها مؤثر
وبيحرك حاجات كتير جوايا

هم دول ابطال الزمن الجميل


اللهم تقبلها تقبل حسن
اللهم ان كانت محسنة فزد في حسناتها
وان كانت مسيئة فتجاوز عن سيئاتها
اللهم انك غني عن عذابها
وهي فقيرة الى رحمتك
فارحمها يا ارحم الراحمين
اللهم ابدلها اهلا خيرا من اهلها
ودارا خيرا من دارها
اللهم اجعل قبرها روضة من رياض الجنة
ووسع عليها ضيقه

اللهم اغفر للمسلمين جميعا الاحياء منهم والاموات

داوم على دعائك لها اخي

وان شاء الله يكون في ميزان حسناتك

الدبور يقول...

ربنا يرحمها و اموات المسلمين
ويبدلهم دارا خيرا من دارهم و اهلا خيرا من اهلهم

الدبور يقول...
أزال المؤلف هذا التعليق.
islamventura يقول...

تعيش و تفتكر
ليك و ليا
انا كمان عمتى ماتت من 7 سنين و كانت عزيزة عليا جدا

فعلا انا عمتى كانت شخصية قريبة جدا منى و غاية فى الطيبة زى عمتك اللى انت كنت بتحكى عنها

عارف كانت ما تشتمش حد و لا تتكلم عن حد
ولا تقول كلمة وحشة

ناس اختفت

كانوا يقولوا يا ابن الايه و ما شابه

بس تعرف بعد ما قريت البوست ده
حسيت انه بيتكلم عنى

هى بردوا كانت عندها القلب و ما قالتش لحد و ماتت كدة

حواء يقول...

مش معقول أنا قلت هأرجع الاقيك مكسر الدنيا ومغرقها تدوين فألاقيك محلك سر
عموما طمنى عليك

بتاع العسل يقول...

تمام الموضوع ده

ياقوت يقول...

كل عام وانت بخير
ياأرموطى

Mohamed Hamdy يقول...

أه يا ابن العكروته
ضحكتنى وبكتنى فى نفس الوقت

ياسمين يقول...

يا ترى ليه مافيش جديد

لعل المانع خير

micheal يقول...

رمضان كريم يا أرموطي
تحياتي

الأرمـوطــي يقول...

الى كل من علق موخرا شكرا ليكم جميعا مش عاوز ازكر اسماء عشان منساش حد واحب اطمنكم عليا انا لسه عايش ملطشه معايا صحيح بس الحمد لله انا احسن من غيرى بحبكم كلكم وارجو انكم تسامحونى على غيابى لانه غصب عنى
سلام

osama يقول...

ياااااااااااااااااه... كم حزنت لفراقها... ياااااااااااه بصدق حزنت لك ومعك ولي فقد شعرت بحروفك... وتسربت داخلي ..
رحمها الله رحمها الله رحمها الله الرؤوف الرحيم

micheal يقول...

كل سنه و أنت طيب

lolla يقول...

كل سنه وانت طيب يا احمد وان شالله تكون بألف خير وصحه وترجعلنا زى الاول كده تكسرلنا الدنيا بمدوناتك الجميله اللى عمرنا ما هننساها ابدا

وكل الناس اللى بتعلق لغايه دلوقتى مع انك متوقف من زمان .. كل التعليقات دى تدل ان المدونه جميله وتستحق لأنها نابعه من القلب

ومدونتك فعلا من المدونات القليله جدا اللى اثرت فيا وعمرى مانسيتها ابدا

ربنا يوفقك وتحقق كل ما تتمنى

الأرمـوطــي يقول...

اوسامه
شكرا ليك يا حبيبى على كلامك الجميل
سلام

الأرمـوطــي يقول...

مايكل
وانت بالصحة والسلامة يا حبيب قلبى ويارب تكون بخير وسعاده
سلام

الأرمـوطــي يقول...

لولا
وانتى بالصحة والسلامه انا والله مش عارف اقولك ايه بس توقفى ده غصب عنى لكن لو شاء ربنا انى ارجع هرجع ادعيلى وشكرا ليكى على كل حاجه
سلام

MAKSOFA يقول...

انت فين يابن العكروته ليه مختفي ؟؟؟

yasmina يقول...

كل عام وانت بخير

عيد سعيد
ويجعلك ربي من عواده

عمر بوك ستورز يقول...

زورونا تجدون ما يسركم .


قائمـة من الكتب الأدبية والثقافية والفكرية المتنوعة للعديد من دور النشر

تحت سقف واحد، وبأسعار لا تقبل المنافسة


وعيد أضحى ...كويس :)

barb michelen يقول...

look this is the "diet" i told you about you should really enter the site :) bye enter the site

الأرمـوطــي يقول...

مكسوفه
انا سعيد قوى انك متابعانى ده شرف ليا اما موضوع انا فين فانا فى الدنيا بزق الايام زق عشان تعدى ادعيلى ارجع تانى
سلام

الأرمـوطــي يقول...

ياسمين
وانتى بالصحه والسلامه

الأرمـوطــي يقول...

عمر
اهلا بيك فى مقهى الارموطى الدولى
سلام

الأرمـوطــي يقول...

barb
i will taht is bromis
by

الأرمـوطــي يقول...

barb
i will taht is bromis
by

أنا وهي يقول...

الله يرحمها ويرحم موتانا جميعاً

3abratalsabeel يقول...

انت فين يا ارموطى ؟
بقالك كتير ما كتبتش ليه هنا؟

raspoutine يقول...

تعيش وتفتكرها واكيد هى حاسة بيك وحاسة بحبك ليه
ادعيلها

حسن توفيق يقول...

القرموطى

اولا شكرا لك على روحك الجميلة والتى ظهرت فى تذكر عمتك عيشة رحمها الله واسكنها فسيح جناته وصدق روايتك التى تدل على معدن اصيل
ثانيا انا سعيد بزيارتى الاولى لمدونتك وان شاء الله لن تكون الاخيرة وادعوك الى زيارة اتحاد المدونيين المصريين ربما شاركتنا العمل للعمل على حماية المدونيين وحفاظ حقوقهم فى انتظار زيارتك لمدونة الاتحاد من مدونتى
الى اللقاء

أبو مروان يقول...

الله يرحمها وكفاية حبك ليها إللي بيان من كلامك انت فعلا رائع يا سيدي حسستني أنها عمتي مش عمتك زعلت أنها ماتت من غير ما أشوفها

الأرمـوطــي يقول...

انا وهى
ربنا يخليك ياحبيبى واهلا بيك فى مدونتى

الأرمـوطــي يقول...

عابرة السبيل
شكرا على سؤالك عليا انا كنت فى ظروف والله وما زلت ادعيلى اخرج منها على خير

الأرمـوطــي يقول...

rasboutine
انا بدعليها وكل احبائى الى فقتهم..........شكرا على لفتتك الجميلة

الأرمـوطــي يقول...

حسن توفيق
شكرا يا استاذ حسن وان شاء الله هدخل على مدونة اتحاد المدونين

الأرمـوطــي يقول...

ابو مروان
شكرا على كلامك الرقيق واحساسك العالى
سلام

محمد الكومي يقول...

حبيب هارتي يا ارمط

برضه في اسكندرية كان في شتيمة زمان ممكن تفهمها و ممكن ماتفهمهاش

كنا بنقول يابن المشمومة

تحياتي

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

الأرمـوطــي يقول...

وحشتينى

will يقول...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

micheal يقول...

انت فين

غير معرف يقول...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟ و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:

www.ouregypt.us

غير معرف يقول...

مهزلة مصرية جزائرية بقلم عبد البارى عطوان

تحتل اربع دول عربية المراتب الاولى على قائمة الدول الأكثر فسادا في العالم، اضافة الى افغانستان، حسب منظمة الشفافية الدولية، ولكن لم يخطر في بالنا مطلقا، ان تستخدم انظمتنا الرياضة من اجل تحويل الانظار عن فسادها ودكتاتوريتها القمعية، وبذر بذور الكراهية بين ابناء الأمة الواحدة، مثلما شاهدنا في الايام العشرة السوداء الاخيرة، التي بدأت وانتهت بمباراتي فريقي مصر والجزائر، في تصفيات نهائي كأس العالم الصيف المقبل في جنوب افريقيا.

نحن امام حرب حقيقية، وعمليات تجييش اعلامي ودبلوماسي لم يسبق لها مثيل، وكل هذا من اجل الفوز في مباراة كرة قدم بين فريقي دولتين وشعبين شقيقين، من المفترض ان الفائز من بينهما سيمثل العرب جميعا في هذه المسابقة الكروية الدولية.

عندما قرأت انباء عقد الرئيس حسني مبارك اجتماعا طارئا لاركان دولته، ابتداء من مجلس الوزراء ومرورا بقائد جهاز المخابرات، وانتهاء برئيس هيئة اركان الجيش المصري، تبادر الى ذهني ان مصر على ابواب مواجهة مصيرية مع اعداء الأمة والعقيدة......

باقى المقال فى صفحة الحوادث بالرابط التالى

www.ouregypt.us

صدى الصمت - عاشقة الورد - يقول...

جميل أن نتذكر كل من أثروا تأثيراً قوياً فى حياتنا
تحياتى

الأرمـوطــي يقول...

صدى الصمت-عاشقة الورد
اهلا بيكى لاول مرة فى مدونتى ويارب دايما كلامى يعجبك
باى

ريمان يقول...

السلام عليكم

قد ايه عمتك كانت من الصابرين اللى ربنا هيكافئهم ان شاء الله وهيجازيهم عن صبرهم اللى صبروه فى الدنيا ربنا يرحمها يا رب واسال الله ان يدخلها فسيح جناته

بجد انا اتاثرت اوى بحكايتها وسبحان الله انت قولت ان كانت البسمه مش بتفارق وجهها

سبحان الله هو لسه فى حد كده؟

الأرمـوطــي يقول...

ريمان
وعليكم السلام ورحمة الله وبركاتة
اهلا بيكى فى مدونتى ومشرفانى وانا بأمن على دعائك ان ربنا يدخلها فسيح جناتة وكل موتانا وموتى المسلمين تحياتى ليكى

شمس النهار يقول...

يومي ماكنش حلو وانت جيت كملت علي

بكيت عليها زي مااكون اعرفها

الست دي اكتر واحدة فهمت الدنيا
فاعاشتها زي ربنا مااردها
علشان كده كانت سعيده
وماتت سعيدة
ونحتسبها عند الله من الصالحين

الله يرحمها
حتي وهي مش موجوده
سابت عظة وعلامة وحكمة

سلامي

الأرمـوطــي يقول...

شمس النهار
اولا اهلا بيكى لاول مرة فى مدونتى وبشكرك جامد جدا على التعليق الهايل دة ومعلش لو كانت القصة صعبة عليكى وزعلتى وفعلا عمتى فهمت الحياه صح وعاشتها صح ومعتقدش انها وهيا الى طلعت من تانية ابتدائى كانت نفتكر فى يوم ان ممكن ينكتب عليها على النت وهيا اصلا متعرفش يعنى اية نت لكن دة ان دل فبيدل على اها سابت بصمة وغظة فى نفسى فعلا زى ماقلتى دايما كدة مشرفانى بزيارتك وتحياتى ليكى
سلام

reem يقول...

الله يرحم عمتك يارب

وبجد اتأثرت اوى اوى بكلامك

وميرسي اوى لزيارتك مدونتى

نورتنى

ويارب دايما تفضل منور التدوين كله

الأرمـوطــي يقول...

reem
شكرا على التعليق الجميل دة وان شاء الله اكون متابع جيد لمدونتك ولبقية المدونين

اقصوصه يقول...

الله يرحمها يا رب

طبعا بخصوص الكلمه

احنا كأماراتيين ما نستعملها

بس جدي لامي وهو لبناني

اتذكر انه كان يستعمل هالكلمه

واتذكر اني لما سالت عن معناها

قالوا انه معناها عيب وايد

بس طبعا انا اقصد المعنى عن

اللبنانين فما اعرف شو المعنى عندكم

حتى انا لما شفت عنوان تدوينتك

استغربت :)

الأرمـوطــي يقول...

اقصوصة
متعرفيش انا فرحان اد ايه انك زرتى مدونتى لانى معجب بكتاباتك اوى ودايما كدة مشرفانى..... بخصوص معنى الكلمة انا مش عارف فعلا معناها اية واما بخصوص اسم مدونتى فدى شخصية مشهورة للفنان المصرى احمد ادم وهيا شخصية كوميدية بتتكلم عن السياسة والمجتمع بشكل كاركاتيرى وانا معجب بيها اوى
تحياتى ليكى

زهرة اللوتس يقول...

جميلة الذكريات وخاصتاً عندما نتذكر اشخاص لهم مكانة في قلوبناومحبة ويمتازوا بالطيبة والحنان .
وعمتك ماشاء الله اخذت أجرين عظيمين إن شاء الله الصبر على البلاء وخدمت والدتها وهذا اكبر أجر رضا الوالدين وربنا كريم إلي ما ياخذه بني أدم في الدنيا يعوضه الله في الأخرة إن شاء الله.
تحياتي...

الأرمـوطــي يقول...

زهرة اللوتس
رحب بيكى فى مدونتى ومنوارنى واسال الله ان يجعل لها جزيل الثواب فى الاخرة زى ماقولتى امين يارب
منورانى