الأربعاء، ٥ مايو ٢٠١٠

راح الى راح ياعين ...ياعين راح الى راح... والى بيتمنى ضحكة ...الى بيتمنى ضحكة.... ضحكت فية الجراح ...ضحكت فية الجراح
راجد على الشوك بأن...واليل فى اوله...وهم تقيل يجن مش جادر اتحمله
متحملين ياهم ...دايما متحملين.. ظلم الخلان والعم.. وكتمين الانين
وياليل الضلمة عاد ونس قلبى الحزين لو كان فى يدى ناى كنت املاها انين... يا عباد يتتكى بالجرح على السكين
والى بيتمنة ضحكة ... الى بيتمنى ضحكة.. بيقتلة الانين...بيقتلة الانين
دى اغنية من تاليف عبد الرحمن الابنودى من مسلسل خلتى صفية والدير ممكن كتير منكم ميعرفوش بس انا عارفة كويس وبحبه جدا زى مبحب كل شئ حزين الغريب انى كنت بحب المسلسل دة من وانا طفل زى كل مسلسلات اسماعيل عبد الحافظ بس لان المسلسل دة حزين بمعنى الكلمة وماساوى جدا كنت بعشقة واعيط وانا بتفرج علية ساعتها وانا طفل اه كان عندى هموم بس كانت صغيرة زيي مكنش لسة حصلى حاجة بس الغريب ان حياتى خدت نفس الطريق الماساوى بتاع المسلسل وشخصية حربى بتاعة محمود عبد العليم مع الفرق انه مات وانا لسة حى ارزق ودلوقتى لما بتتعاد المسلسل بقعد اتفرج عليها بنفس النهم واستناها بنفس الشغف وابكى وبعدين فكرت هل انا عشان كنت بحب الحزن والماساوية ربنا ادانى الى بحبة ولا دى محض صدفة وليه انا كدة بحب كل ماهو حزين مش عارف بس اكيد الايام هتظهر ان القدر بيدينى الى بحبة فعلا ولا دفة حياتى هتتجة لطريق اخر....مش عارف

هناك ٣٧ تعليقًا:

AHMED SAMIR يقول...

خالتي صفية و الدير...مسلسل اكثر من رائع
عن رواية للرائع بهاء طاهر
مسلسل روعة بجد انا كمان بحبه

داليـ ـ ـ ـ ـ ـ ــــا يقول...

تعرف بجد
انا حاسه اننا بعد كده مش هنعرف نفارق الحزن حتى لو هو حاول يفارقنا زى مانكون اتعودنا عليه
وبقه بيدى لمسه لحياتنا

تتخيلها دى

بس الحزن بإذن الله راح يتمحى من حياتك وراح تشوف من الفرح الوان

ربنا يسعد ايامك يارب

فراشة يقول...

مش فاكرة المسلسل قوي بس فاكرة انه حزين قوي ومع اني بحب الحزن قوي بس زهقت منه ونفسي أفرح شوية فبطلت اتفرج على كل حاجه حزينه ولو انها ادمان .. بس تقريبا فيه علاقه بين انك بتحب الحزن فحياتك بقت كدا

أحيانا من كتر ما احنا بنحب الحزن بنحب نحس باحساس الحزين والمظلوم ونشوف كل حاجه حزينه وكئيبه وان مفيش امل خلاص او بيبقى تعود على الصورة الحزينه مبنعرفش نشوف الفرح شكله ايه

الأرمـوطــي يقول...

احمد سمير
اهلا بيك ضيف عزيز على مدونتى المتواضعة وواضح ان حضرتك عندك خلفية ثقافية واسعة وبينا زوق مشترك ودة يشرفنى باتمنى انك تنورنى على طول وتسعدنى بتعليقاتك لان رايك يهمنى
دمت بكل صحة وسعادة

الأرمـوطــي يقول...

داليا
معقول انتى كمان زيي دا انا كنت فاكر انى اخر النوع دة طيب كويس لقيت رفيقة ليا فى الكفاح وبتمنالك انتى كمان حياة سعيدة مديدة
تحياتى ليكى

الأرمـوطــي يقول...

فراشة
والله انا كمان زهقت موت من الحزن عشان كدة بقيت اغصب نفسى واتفرج على الحجات التافهه الى مفيهاش اى عمق عشان افرفش واروش وانتعش بس يارب لما اغير مودى يتغير معاه مجرى حياتى واكون احسن فى الايام الى جاية والحمد لله على كل حال
منورانى

فاتيما يقول...

أزيك يا فندم

انتو كنتوا اطفال
ساعة عرض المسلسل ؟؟
متكلموش معايا بقى
انا كنت مخلصة جامعة
و بشتغل كمان


و تعالى هنا قولى


مين دا اللى
زى ممدوح عبدالعليم ؟!!

ليه يا بنى كدا


بص انا لما شوفتك يوم البؤجة قولت عليك هادى و فيك شجن
و قولت الهم دا اكيد له اسبابه
على سنك الصغير


بس لدرجة حربى !!

لاااااااااا

المرة الجاية انا لازم اقررك
و اعرف ايه الحكاية بالضبط ؟؟


ربنا يطيب جرحك
و يهون عليك



القصة حلوة
و المسلسل كان جميل فعلا



انتا اصلك انسان طيب
و كعادة الناس الطيبة
زى ما فرحهم بيكون شديد
حزنهم كمان بيكون شديد


قلل الله مساحات الحزن فى قلبك
يا عزيزى و طغت عليها
بساتين الفرح إن شاء الله

خالص وى ليك

القمرالباكي يقول...

السلام عليكم ورحمه الله وبركاته

مساء الخير
عبد الرحمن الابنودي مبدع ديما وكلامه قريب من كل الناس
اختيارك للاغنيه حلو
الحزن جزء مننا باختلاف الاسباب بس موجود معانا كلنا لولا الحزن مش هنحس بالفرح
ربنا يهون علينا ويسعدنا جميعا
دومت بخير

الأرمـوطــي يقول...

فاتيما
ازيك عاملة ايه كويس اننا بينا زوق مشترك وانك كمان كنتى متابعة المسلسل دة وانا لما شوفتك حسيت فعلا انك انسانة حساسة وان شاء الله فى اللقائات الجاية نتعرف على بعض اكتر....
ملحوظة
مش هتعرفى تقررينى كتير حاولوا ومنفعش هههههههه بس شكرا لاهتمامك
دمتى بكل خير وسعادة

الأرمـوطــي يقول...

القمر الباكى
ممكن يكون معاكى حق واننا كلنا عندنا احزان بس هل يمكن حزنى انا زيادة عن اللزوم ولا انا الى متهيالى كدة مش عارف شكرا ليكى على زيارتك الغالية ودايما كدة منورانى بتعليقاتك الجميلة
دمتى بكل الخير

عفوا أنا أميرة يقول...

المسلسل دا كان جرعة حزن مكثفه لدرجة أنه لما بيتعاد مش ممكن أشوفه تانى، كلمات الأغنيه قويه بس تجيب الحزن للواحد بالعافيه ربنا يحفظنا ويفرح قلبك،كتر سماع الأغانى الحزينه ومشاهدة الأفلام الحزينه بتعيش الإنسان فى المود دا لحد لما يشوف كل حاجة فى حياته حزينه ومايعرفش يتخلص منه، ربنا يكرمك ويعزك وينفع بيك، تقبل مرورى...

just waiting يقول...

انا حاسة اني اعرف المسلسل دا
بس بصراحة مش قادرة افتكره
وعلى فكرة لما تسمع اغاني كتر كئيبة وتتفرج على حاجات بالنوعيه دي هتأثر عليك وتخليك تعيش نفس الحالة

كلمات من نور يقول...

مش عارفه أنا كمان بس جايز انت عشت المسلسل و حسيته قوي ........احنا محتاجين نتفرج على توم وجيري في الزمن داه يا بني الا الحزن عشش وتوغل في قلوبنا ..ربي يسعد أيامك

ghada mOhsen يقول...

هلا أحمد ...

أنا الصراحه أول مره أسمع عن المسلسل .. أصلا أنا بعيد عنك فاشله حبتين في المسلسلات :))
بس روحت عملت سيرش وقريت عنه شويه ...
ولقيت أكتر الناس بجد حابين المسلسل ده رغم الحزن إللي فيه .. أصلا كفايه إن المبدع بهاء طاهر هو إللي كاتب القصه ...

أما حكاية الحزن إللي ملازمك .. فلا تحطها في راسك ... لكل منا أحزانه وهمه .. بس الدنيا مش بتنتهي عندها... فلا تلتفت إليها .. وإنظر للجانب المشرق دائما ...

وإن شاء الله القدر يعطيك إللي بتحبه فعلا :)

ربنا يسعد قلبك ويريح بالك وينولك مرادك بالخير اللهم أمين ...

تسلم
... ;) ,,, ;) ...

رحاب صالح يقول...

صباح الورد احمد
كيفك ..؟ بجد الاول ميرسي علي الوقت الجميل برغم اني حسيت اني كنت اوفر شوية بس زميلي احمد هو اللي كان بيضايقني وكسفني ادامك بسبب الدوخة , بس بجد حبيت الوقت اللي فضلت معانا فيه وسعيدة بمعرفتك وميرسي جدا جدا من يومها لغاية ما نتقابل تاني علي الايس كريم وجبتي المفضلة وبجد نفسي تتعوض تاني بس احنا اللي نعزمك علي الايس كريم ومعلش في تاخيري في التعليق هنا بس انت عارف السفر لي مشكلة والحمد لله اني وصلت البيت في وقت مناسب
بالنسبة للبوست عايزة اعلق في كلمتين زماااان كان زمااان دلوقت بقي مصيبة وكارثة , الاغنية بجد رائعة ولكل وقت مش وقتها بس

الأرمـوطــي يقول...

عفوا انا اميرة
اهلا بيكى لاول مرة فى مدونتى ومعاكى حق فعلا كتر المسلسلات والاغانى والافلام الحزينة بتخلينا عايشين فى حزن عشان كدة انا قررت اغير استيلى فى التلفزيون بس يارب اقدر ابعد عن الحزن الى بحبه



just waiting
منورانى وبجد هحاول اسمع كلامك وابطل فرجة على حجات حزينة



كلمات من نور
الله والله اول مبشوف اسم مدونتك صدرى بينشرح من قبل مقرا التعليق ربنا يحبب فيكى خلقة وحاضر من النهاردة هديها توم وجيرى



gada mohsen
ازيك ياغدغودة عاملة ايه وحشانى والله يالهوى مش معقول اهتمامك دة دورتى على المسلسل عشان خاطرى والله انا مستاهل كدة عموما الف شكر ليكى وربنا يجبر بخاطرك
دمتى بكل سعادة


re7ab sale7
ازيك يا حوبة والله اخجلتم تواضعنا بكلامك الجميل دة يارب دايما اكون عند حسن ظنكم ولقائتنا الجاية تكون احلى واحلى
تحياتى ليكى

هوبتي يقول...

انا بصراحه ما شوفتش المسلسل لكن قرات الرواية جمييييييييييييييله جدا جدا جدا بجد

غير معرف يقول...

ازيك ليك وحشة والله

يارب تكون بالف خير

انا معرفش المسلسل بس كلمات الاغنية جامدة وحزينة جدا

انا زيك بحب الاغاني الحزينة والمسلسلات الدرامية مع ان حياتي كويسة والحمد لله

بس بعيش بالاغاني الحزينة وبنطرب بيها اكتر

ربنا يسعد قلبك وتكون ايامك كلها سعيدة

دمت بحفظ الرحمن

افروديت يقول...

لاخلاف علي أن الاغنيه جامده..بس المسلسل نفسه المخرج مزودها في الحزن شويه وبصراحه الدكتورمانع عني النكدالزياده وبكتفي بجرعة النكداللي بشوفهافي برامج التوك شو..بس اختيارك كويس.سلام

جارة القمر يقول...

محزنة جدا

sweet angel يقول...

على فكره الي حصلك ده فعلا هو نتيجه حبك للحزن

الي زيك كده انا بسميهم هواة النكد الذاتي

الي انا كنت واحده منهم بس بقيت احاول اطرد كل الافكار السلبيه من دماغي

في حاجه اسمها قانون الجذب ابقى اقرا عنه

ربنا يرضى عنك ويزكي نفسك ويرزقك السعاده

الأرمـوطــي يقول...

هوبتى
منورة المدونة بس المسلسل جميل لو لقيتية ابقى تابعية هيفوتك كتير لو مشفتهوش
سلام

الأرمـوطــي يقول...

نوارة
ازيك عاملة ايه انتى والله وحشانى اكتر بس ظروف الامتحانات مش بقعد على النت كتير وكويس انى لقيت زميلة فى الكفاح بتحب الحزن زيي
دمتى بكل خير وسعادة

الأرمـوطــي يقول...

افروديت
منورة المدونة والله واهلا بيكى لاول مرة فى مقهى الارموطى الدولى والله لما شوفت تعليقك حسيت انى مازنجر ههههههههه بس كويس انك مش متابعة مسلسلات وافلام الحزن على رايك كفاية برامج التوك شو ويارب دايما كدة متبعانى لان رايك يهمنى
تحياتى

الأرمـوطــي يقول...

جارة القمر
ايه الجمال دة تعليق قصير لكن فى الصميم ومعلش لو كانت احزنتك الغنوة يارب يسعد ايامك
تحياتى

الأرمـوطــي يقول...

sweet angle
ايه الكلام الكبير ده لا احنا متفقناش على كدة هههههههههه والله انا بقرا كتب الجامعة بالعافية بس ياريت تبقى تدينى نبذة مختصرة عن الموضوع ده لعلى ابطل حزن بقى وانتى منورانى ومفهمانى ومثقفانى دايما كدة يارب وكويس انت بقيتى تطردى الحزن من جواكى عقبالى
دمتى لمن تحبى

جارة القمر يقول...

القادمـ أجمل

غير معرف يقول...

ايميل يجعلك من اصحاب الملايين

بقلم الدكتور محسن الصفار

جلس سعيد أمام جهاز الكمبيوتر اللذي اشتراه حديثا وتعرف للتو على عالم الانترنت الواسع , اخذ يقرا بريده الالكتروني وأخذ يتفحص الرسائل الواحدة تلو الأخرى حتى وصل إلى رسالة باللغة الانجليزية عنوانها (شخصي وسري للغاية) فتح سعيد الرسالة وقرأ نصها فكان مضمونه أن المرسل هو ابن لرئيس أفريقي سابق خلع من السلطة وأن والده أودع مبلغاً وقدره 100 مليون دولار في أحد البنوك وأن الأسرة لا تستطيع استخراج المبلغ إلا عن طريق حساب مصرفي لشخص ثالث ويعرض مرسل الرسالة على سعيد أن يعطيه 40% من المبلغ أي 40 مليون دولار فقط إن كان هو مستعداً لتقبل هذا المبلغ على حسابه الشخصي. لم يعر سعيد أهمية كبيرة للرسالة في باديء الأمر ولكن الفكرة في امتلاك 40 مليون دولار دون أي جهد بدأت تحلو له شيئاً فشيئاً واخذ الطمع يتغلغل في نفسه , أرسل سعيد رسالة رد إلى المرسل وسأله: - هل هنك من مخاطر في هذه العملية؟ جاء الرد بسرعة: - لا لا أبداً ليس هناك من مخاطر أبداً أبداً ولكنك يجب ان تحافظ على السرية الكاملة ضمانا لنجاح العملية . ردّ سعيد على الرسالة: - هل من مصاريف يجب أن أدفعها؟ جاءه الرد: - لا لا أبداً فنحن نتكفل بكل شيء أرجوك يا سيدي ساعدنا وستصبح أنت أيضاً من أصحاب الملايين. من أصحاب الملايين!! كم هي جميلة هذه الكلمة وأخذ سعيد يحلم بأنه يسكن قصراً ويركب أفخم السيارات ويمتلك طائرة خاصة وو...... وفجأة وجد سعيد نفسه وقد أرسل رسالة فيها رقم حسابه المصرفي واسم البنك، وبعد يومين جاءه بريد الكتروني مرفقة به رسالة عليها أختام حكومية تفيد بأن وزارة المالية في ذلك البلد الأفريقي لا تمانع من تحويل المبلغ إلى حساب سعيد.... باقى القصة و المزيد من مقالات الدكتور محسن الصفار الهادفة الخفيفة الظل موجودة بالرابط التالى

www.ouregypt.us

و لا يفوتك الذهاب لمقالات ثقافة الهزيمة وصفحة من الشرق و الغرب بنفس الرابط و فيها الكثير من المقالات الجيدة.

كلام على بلاطة يقول...

تحياتى

♥♥ شذا ♥ الروح ♥♥ يقول...

السلام عليكم

يارب تكون بخير
ايه الغيبه دى كلها
ياريت طمنى على حضرتك

تحياتى

لــــ زهــــــراء ــــولا يقول...

ربنا يسعد قلبك بكل خير عارفة المسلسل كويس بتاع بوسي و سناء جميل وابن اسماعيل عبد الحافظ ..بس حياتك شبهها ازاي عليك تار وهربان ولا ايه ؟

لولا

علاء المصرى يقول...

الصورة بتعتك بجد جامدة قوى

دعوة للتواصل كاتب مصرى

افروديت يقول...

هو أنت فيييييين ؟ يارب تكون بخير " طمنا عليك" أستودعك الله الذي لا تضيع ودائعه.

كلمات من نور يقول...

كل عيد وانت طيب يا أرموطي انت فين؟؟؟

مدونة وظفني يقول...

شكرا لك

Unknown يقول...



thx

كشف تسربات المياة
غسيل خزانات
شركة نظافة عامة

Unknown يقول...

الصح بتاعها ياليل افضل معاي ونس جلبى الحزين